Оюутнууд хуучин визагаараа 10 сар хүртэл үнэгүй зорчино

08.22, 22:51

            Өмнө нь Монголыг оюутны холбоо “Голомт” банктай хамтарч ажиллан, оюутны шар виза карт хэвлүүлдэг байсан бол энэ жилээс “Төрийн банк”-тай хамтран шинэ смарт карт хэвлүүлсэн байна. Энэхүү шинэчилсэн  картан дээр  нууцлалтай наалтыг нааснаар оюутнуудын нийтийн тээврээр зорчих эрх нь үүснэ.

Уг картан дээр наах, нийтийн тээврийн наалт ньнэг оюутанд зориулсан нэг серийн дугаартай  байх бөгөөд тус серийн дугаарт оюутны овог нэр, суралцаж буй сургууль, курс бүртгэгдэх тул дамлан худалдах, хуурамчаар хуулбарлах гэх мэт зөрчлүүд гарахгүй юм.

 Иймд есдүгээр сарын 15-н гэхэд 113 мянган оюутан виза картаараа нийтийн тээврээр үнэ төлбөргүй зорчих боломжтой.

Харин  шинэчилсэн  карт авах хүртлээ нийтийн тээврээр зорчихдоо урьд жил хэрэглэж байсан виза картаараа үйлчлүүлнэ.

Нэгдүгээр курсын оюутнуудын хувьд сургуульдаа орсон даруйдаа сургуулийнхаа оюутны холбоогоор дамжуулаад шинэ картаа нийтийн тээврийн наалтын хамт захиалах боломжтой. Харин  өмнө жилийн  захиалгаас хоцорсон оюутнууд  нэгдүгээр курсынхний карт захиалгын дараа захиалгаа өгнө.

 Энэхүү шинэ виза карт нь арван сарын хугацаатай буюу есдүгээр сарын 1-нээс долоодугаар сарын 1-н хүртэл хүчинтэй байх бөгөөд МОХ-оос цаашдаа бид  оюутнуудыг смарт картаараа “Эрүүл мэндийн төвүүдэд” хөнгөлөлттэй үйлчлүүлдэг болгохоор  ажиллаж байна.

Монголын оюутны холбооны Хэвлэл мэдээллийн хэлтэс А. Азжаргал 9910 - 3217

Хамтран ажиллагч байгууллагууд